Ka Papa Mele Wahi Pana:

Welina me ke aloha, ʻO kēia ka lua o nā poke wikiō o #kapapamelewahipana. He pukana wikiō hou kēia ma lalo o #puanapōʻakolu e hōʻike ʻia ana he mahele pōkole o ka papahana ʻo Ka Papa Mele Wahi Pana. I mea e ola mau ai nā mele pana ʻāina, ua hoʻokumu ʻia ka papa HAW 483: Ka Papa Mele Wahi Pana [2003-2008]. He papa mele kauwela kēia na ka loea mea mele, na ʻAnakala Kimo Alama Keaulana hoʻi i aʻo. E nanea mai ka pepeiao i kekahi o nā mele i aʻo ʻia,‘o ia ho‘i ‘o Kawaihae. Na Bill Ali‘iloa Lincoln i haku i kēia mele a na ia nei nō ho‘i, na "Bill Aliiloa Lincoln and His Hawaiians" i ho‘opa‘a i kāna mele.